पुणे जिल्हा मध्यवर्ती सहकारी बँकेत नोकरीची संधी उपलब्ध झाली आहे. बँकेकडून रिक्त जागा भरण्यासाठी पदभरती जाहीर केली असून या संदर्भातील जाहिरात प्रसिद्ध करण्यात आली आहे.
ही भरती प्रक्रिया शिपाई पदासाठी होत असून एकूण 289 पदे भरण्यात येणार आहेत.
पुणे जिल्हा मध्यवर्ती सहकारी बँक मर्यादित, पुणे यांनी शिपाई हुद्याची 289 पदे ऑफलाईन पद्धतीने सहळसेवा लेखी परीक्षेद्वारे भरण्यासाठी फक्त पुणे जिल्ह्यातील मूळ रहिवासी असलेल्या पात्र उमेदवारांकडून विहित नमुन्यात ऑनलाईन अर्ज मागवण्यात येत आहेत.
पदाचे नाव - शिपाई
पदसंख्या - 289
वयोमर्यादा - किमान 18 ते कमाल 38 वर्षे
शैक्षणिक अर्हता - उमेदवार किमान उच्च माध्यमिक शालांत प्रमाणपत्र परीक्षा (एचएससी, इयत्ता 12वी) उत्तीर्ण असावा किंवा 12वी समकक्ष पदवीका (डिप्लोमा) उत्तीर्ण असावा.
इतर आवश्यक अर्हता - उमेदवार पुणे जिल्ह्यातील किमान 15 वर्षे पासून रहिवासी असावा.
महत्त्वाच्या तारखा
बँकेच्या वेबसाईटवर परीक्षा शुल्कासह ऑनलाईन अर्ज - 4 ऑगस्ट 2026 सकाळी 11 ते 10 ऑगस्ट 2026 रोजी रात्री 11.59 वाजेपर्यंत
ऑफलाईन परीक्षा दिनांक - बँकेच्या वेबसाईटवर प्रसिद्ध करण्यात येईल.
ऑनलाईन परीक्षा प्रवेशपत्र डाऊनलोडचा दिनांक - बँकेच्या वेबसाईटवर प्रसिद्ध करण्यात येईल.
कालावधी आणि पगार
निवड करण्यात आलेल्या पात्र उमेदवारांना सहा महिन्याच्या तात्पुरत्या परिविक्षाधीन (प्रोबेशनरी) कालावधीसाठी बँकेच्या सेवेत नेमणूक दिली जाईल. नेमणूक दिलेल्या उमेदवारास प्रोबेशन काळात 12,000 रुपये दरमहा पगार देण्यात येईल. या उमेदवाराला नेमणुकीबाबत बँकेच्या कर्मचारी स्थायी आदेशातील आणि कर्मचारी सेवानियमावलीतील प्रचलित नियम, अटी आणि शर्ती लागू राहतील.
अर्ज करण्यापूर्वी इच्छुक आणि पात्र उमेदवारांनी भरती प्रक्रियेची जाहिरात सविस्तर वाचून घ्यावी. भरती प्रक्रियेची सविस्तर जाहिरात पाहण्यासाठी Pune DCC Bank Recruitment 2026 notification pdf या लिंकवर क्लिक करा.
महत्त्वाच्या सूचना
पुणे जिल्ह्यातील मूळ रहिवासी असणाऱ्या उमेदवारांना 100 टक्के पदे प्राधान्याने भरण्यात येणार आहेत.
उमेदवारांनी ऑनलाईन अर्ज दाखल करताना मूळ रहिवासी प्रमाणपत्र (अधिवास प्रमाणपत्र - Domicile Certificate) आणि आधारकार्ड अपलोड करणे बंधनकारक आहे.
उमेदवारांनी अपलोड केलेल्या अधिवास प्रमाणपत्राची (Domicile Certificate) छाननी कागदपत्रे पडताळणीच्या वेळी करण्यात येईल.
लेखी परीक्षा शुल्क भरल्याशिवाय रजिस्ट्रेशन / नोंदणी प्रक्रिया पूर्ण होणार नाही.
उमेदवारांना लेखी परीक्षा शुल्काची रक्कम ऑनलाईन पद्धतीने भरणा करता येईल.
ऑनलाईन अर्ज भरताना उमेदवाराने स्वत:चा ई-मेल आयडी, मोबाईल क्रमांक आणि आधार क्रमांक अचुक भरणे आवश्यक आहे. अन्यथा अर्ज माहिती अभावी अपात्र होईल.
उमेदवारांनी अर्ज भरताना शिपाई पदासाठी आवश्यक पात्रता धारण केली असल्याची खात्री करुनच अर्ज भरावा.